Ano nga ba ang pagkakaiba ng COOL OFF sa I-WANT-SPACE.

COOL OFF. Hindi kayo officially break, pero ang dating nito, ‘Wala muna tayo, pero free ako makipagdate sa iba, free karin makipagdate sa iba. Kapag hindi nagwork, tayo ulit.’

Note: dapat mutual decision to, kung labag sa loob mo, sumang-ayon ka parin, para din malaman mo sa sarili mo kung siya nga talaga ang gusto mo, at hayaan mo siyang maka-experience ng iba para marealize niya na mas masaya ka kasama at malaking kawalan ka pag tuluyan kayong naghiwalay (unless gago siya at hindi marealize yun).

I-WANT-SPACE. Hindi din kayo officially break, pero hindi ka pwedeng makipagdate sa iba. Kaya nga space eh, gamitin ang space na yun para makapag-isip tungkol sa relasyon niyo, pagnilayan kung bakit kailangan ituloy ito o kung bakit kailangan ng tapusin. Huwag gamitin ang space sa paglalandi sa iba. Kung yun ang gusto mo, i-break mo na.

Pero minsan naaabuso ang mga salitang ‘to. Break-up na pala talaga ang gusto, kung ano-ano pang term ang ginamit. Dahil daw kesyo mas maganda pakinggan ang cool-off or space kesa sa ‘break na tayo’. Linawin na kaagad kung ano ang gusto mo, para walang nagmumukang tanga sa kakaasa.