Pag-ibig ng mga kabataan ngayon.

Sa tingin ko malaki ang naging kontribusyon ng teknolohiya sa mga tao ngayon, lalo na sa mga kabataan na sobrang galing pag dating sa teknolohiya ngayon. Lalo na pagdating sa komunikasyon, lalo na sa mga mapaglarong isip ng mga kabataan.
Kung walang teknolohiya ngayon sigurado akong 21 years old maguumpisa magligawan ang mga batang ito, bakit? Eh syempre doon lang magkakalakas ng loob manligaw ang lalake sa babae dahil sa edad na yun eh siguradong tapos na siya at baka may trabaho na at may maipagmamalaki na siya sa magulang ng babae.
Naalala ko lang dati na ang tanging pinoproblema ng mga babaeng kabataan dati eh kung ano ang pipiliin nilang bag kung Hello Kitty ba o Barbie. Ngayon sa edad na 11 years old hanggang 14 years old eh pag-ibig na ang pinoproblema nito.
Hindi na ko magtataka bakit biglang lumabas ang RH Bill dahil nga sa mga unwanted pregnancies na yan. Dahil nga sa maagang natutukso ang mga bata at laging nandiyan lang ang internet para makahanap ng kani kanilang pantasya eh hindi na nakakapagtaka na ganito na nga ang nangyayari sa ating henerasyon ngayon.
Totoo namang walang pinipiling oras ang pagmamahal, pero sana alam nila ang tamang edad at tamang panahon para dito, nakakalungkot kasi makita na sa murang edad eh nasasaktan na agad sila, imbis na nakikipaglaro lang sila sa kalsada eh nagsisimula na silang ma depressed dahil sa iniwan sila ng taong mahal nila.
Hindi rin natin sila masisi, kung nagabayan rin sila siguro ng magulang nila hindi rin sana sila magiging ganun, kung na disiplina ng mas higit pa sa pagdidisiplina nila ngayon sa mga anak nila eh siguro maaring maiwasan pa.
Siguro nga eh may alam na sila pag dating sa pagmamahal, dahil sa may nabasa silang love story at marunong na silang umintindi ng tagalog o english, pero iba parin kapag nasa tamang edad ka na, makaka diskarte ka ng tunay at totoo.
Huwag mamasamain ng mga kabataan na nakakabasa nito ngayon, maaring may magagalit pero isa itong tulay at kaalaman na maaring makatulong sa pag-iisip at pag dedesisyon sa buhay mo.
Muli.. Ito ay opinyon lamang at hindi dapat seryosohin, pero ito galing sa puso at isipan na nakikita ko sa bawat taong nakikilala ko.